Te Kura Kaupapa Māori o Manawatū
E rua ngā tūranga wātea ki te kura tuatahi:
Tūranga Pumau, Wā Kīkī, ka tīmata a te 29 Hanuere 2024
Tūranga ā-Wāhanga, Wā Kīkī, 29/01/2024-27/01/2025
E rapu ana i ētahi tangata e mau tohu whakaako, mau rēhita whakaako hoki. Me kaingākaunui ki ngā tamariki katoa i waenganui i ngā tau 0-8. Me whakapono ki Te Aho Matua.
Ānei ngā pūkenga a te kaitono:
Ko te painga tērā ki te tino mōhio ia ki a Poutiria te Aroha
He mōhiotanga ki te whakamāhere mā anga o Te Aho Matua
He tangata auaha, whakatō ihiihi, whakatipu pūkenga e whanake ai te akonga
He ngākaunui ki te whai rautaki, ki te whai oranga, ki te matapaki, ki te hui tahi ki te kōrero i ngā take nui o te wā ki raro i te haumarutanga o Te Aho Matua.
He tūranga hoki ki te Wharekura:
Tūranga Pūmau, Wā Kīkī, ka tīmata a te 29 Hanuere 2024
E rapu ana i tētahi tangata e mau tohu whakaako, mau rēhita whakaako hoki. Me kaingākaunui ki te hunga taiohi hoki. Me whakapono ki Te Aho Matua.
Ānei ngā pūkenga o te kaitono:
He mōhiotanga ki te whakahaere i te NCEA me Te Aho o te Kura Pounamu
He tangata auaha, whakatō ihiihi, whakatipu pūkenga e whanake ai te akonga
Mahi ngātahi, whakamāhere ngātahi me te whānau wharekura
Mēnā ko koe te tangata e tika ana mō tētahi tūranga, tukuna mai tō tātai pūmanawa, tō reta me ngā taipitopito mō ngā kaitautoko tokorua, kia Roberta Kaiwai-Paterangi, roberta.kaiwai-paterangi@tkkmom.ac.nz
ref: Tūranga Pūmau/ Tūranga ā-Wāhanga
TKKM o Te Atihaunui-ā-Pāpārangi
Kaiako Kairīwhi
Fixed Term - Full Time
Kura Tuatahi (Tau 1-8) ki Te Kura Kaupapa Māori o Te Ātihaunui a Pāpārangi ki Whanganui.
E rere kau mai te Awa nui mai i te Kāhui Maunga ki Tangaroa, ko au te Awa,ko te Awa ko au. He kura Aho Matua mātau nā reira me matua mōhio ki ngā mātāpono me ngā āheinga ki te whakatinana i ngā uara. Ko te reo, te mita me ngā tikanga o Whanganui te kete kōrero e raranga ana i ngā whenu o te Aho Matua.
E rapu ana mātau i tētehi kaiako e mau rēhita ana, e māia ana hoki ki te whakaako i ngā reanga o te kura tuatahi, arā, i ngā Tau 3. He tūranga mō te tau katoa kia wātea te kaiako pūmau kia tiaki pēpi.
Tukua mai tō tātai pūmanawa, ngā taipitopito mō ngā kaitautoko tokorua me tō reta tono ki te īmera tumuaki@teatihau.school.nz
Ka kape tēnei tono hei te 9 o Hanuere 2024.
Te Wharekura o Te Orini ki Ngāti Awa
Kaiako Tau 11-13 Wā Kīkī, Tūranga ā wāhanga
“Ko Ngāti Awa te toki tē tangatanga i te rā, tē ngohengohe i te wā.”
E noho ana Te Kura Kaupapa Māori a Te Orini Ki Ngāti Awa i raro i te maru o Te Aho Matua me te Haahi Ringatu ki roto o Whakatane. E rapu ana mātau i tētahi kaiako e ngākaunui ana ki te hunga mātātahi hai whakaako i ngā tauira o tō mātau wharekura, tau 11-13. Me whai tohu whakaako, tohu rehita hoki.
E whai ana mātau i tētahi kaitono;
E pīkoko ana ki te reo me ōna tikanga
E mōhio ana ki te NCEA, arā te whakahaere, te whakaako i ngā paerewa paetae1-3.- -Ngākau tūwhera ki te ako i ngā kaupapa hou hai painga mā ngā tauira.
E mōhio ana ki te mahi ngātahi.
Ngākau hihiri, ngākau auaha
Mōhio, mārama rānei ki Te Aho Matua
Mehemea ko koe te tangata tika. Tēnā, tukua mai tō tātai pūmanawa, tō reta me ngā pitopito kōrero, me ngā kaitaunaki tokorua ki; admin@tkkmteorini.school.nz Ref: Tūnga Wharekura
Ka kapi te wā tuku tono hai te 9 o Hanuere, 2024
Te Kura Kaupapa Māori o Piripono Te Kura Whakahou ki Otara
Kaiako Kura Tuatahi (x2) 2024
He tunga kaiako ki tou mātou kura hei te timatanga o te wahanga tuatahi 2024, nā reira me mātua mōhio ki ngā mātāpono o Te Aho Matua me ngā āheinga ki te whakatinana i ngā uaratanga. Ko te reo me oona tikanga.
Tukua mai tō tātai pūmanawa, he reta tuhi a ringa e whakamārama ana i ō tūmanako mō te reo me ngā tikanga a kui mā a koro mā.
Ka kati ngā tono a te 12 o Kohitatea 2024. Ka timata ngaa uiui hei te 16 me te 17 o Kohitatea.
Mehemea he pātai āu, whakapā mai ki te Tumuaki kia marama@piripono.school.nz, kia renee@runanga.co.nz te LSM ranei, waea rānei: 02102821952
Te Kura Kaupapa Māori o Ngāti Kahungunu o Te Wairoa
TŪRANGA TUMUAKI TUARUA
Wā Kikī, Tūranga Motuhake, 3 PSU, 1FTU, 2 MMA & MITA Allowances
Nō te tau 1994 i whakatūria ai Te Kura Kaupapa Māori o Ngāti Kahungunu o Te Wairoa. He kura Arongatahi (Tau 1–13), e 200 ngā ākonga Tau 1–13. Ko Te Aho Matua te tūāpapa o te kura, mā to mātau Kahungungutanga e whakatinanahia i ngā mātāpono o Te Aho Matua.
E rapu ana mātau i tētahi timuaki tuarua, e matau ana ki te ārahi, ki te whakahaere hoki i ngā kaimahi i raro i ngā mātāpono o Te Aho Matua. Kia tūwhera ai te hinengaro me te ngākau o te kaitono ki ngā momo rautaki huhua whānui o te taiao, o te mātauranga māori me ngā matau o te ao hou. Kia ngākau nui hoki ki te mahi ngātahi ki te kura whānui.
He wheako angitu hei pouako ārahi i te marautanga, ki te whakatutuki i ngā mahi whakahaere hei whakatairanga ake i ngā akoranga mō ngā ākonga me ngā kaimahi.
Ko te rā aukati mō ngā tono ko te 12 Kohitātea 2024. Tonoa mai tō reta tono, tō tātai pūmanawa i te taha o te puka tono e iri ana ki te Education Gazette (https://www.facebook.com/groups/117016962085010). Mō ētahi atu kōrero whakapā mai ki te timuaki, ko Miriama Ainsley, mā te īmēra tumuaki@kkmwairoa.school.nz.
Nāku iti noa,
Nā Miriama Ainsley
Tumuaki – TKKM o Ngāti Kahungunu o Te Wairoa