E te whānau, tēnā koutou katoa

#TEAHOMATUA

TAM 5.6

Ko ngā kaumātua ngā kaipupuri o nga tikanga Maori, ko rātou hoki ngã pūkōrero. He mea nui tērā kia piri mai rātou ki te kura, ki ngā tamariki hoki hei kaiako, hei kaiarahi.

Ngā waiata a ngā kaumātua i te tūwheratanga o TKKM o Ngā Papaonekura

9 o ngā rā o Pepuere 2024

Turei, 20 o Pepuere 2024

He Mihi

E tangi nei ki ō tātou tini mate o tēnā whānau me tēnā whānau. Rere ana te tangi o ngā ngākau mō ērā o ngā aituā kua haere atu rā ki te huinga wairua. Haere atu rā Paerau ki Tawhiti nui, Tāwhiti Roa, ki Tāwhiti Pāmamao. Ko rātou e te hunga mate ki a rātou, ko tātou e te hunga ora, tēna koutou katoa.

Nau mai hoki mai ki te kura mō muri ake i hui nui o te Māori mō te mana motuhake i te Kohitātea i Ngāruawāhia me Waitangi. Ko te tumanako ia e pai ana te whakatā ā ngā tamariki me ngā kaimahi katoa o te kura, ā, e hīkaka ana ngā whānau ki te tiaki i ā tātou tamariki katoa.

I te 9 o ngā rā o Pēpuere 2024, i whakahaeretia ngā karakia o te ata e ngā kaumātua o Te KKM o Ngā Papaonekura kia pai ai te noho a ngā tamariki ki tō rātou kura. Te hari me te koa o te whānau ki te kuhu atu ki tō rātou kura ki te whakaako i ā rātou tamariki.

Kia kaha tātou ki te mahi tahi me tiaki i tō tātou kaupapa, Te Aho Matua.

Aroha nui

Hohepa Campbell

Kaitakawaenga

Hui ā-Tau

2024

Te huringa tau 30 o Te Rūnanga Nui

Kei te rere te mihi ki te whānau o Te KKM o Te Ātihaunui-ā-Paparangi me te whānau o Kaiwhaiki marae. Ka tū tā tātou hui ā-tau ki Kaiwhaiki marae, ki te awa o Whanganui hei te nei.

Mai i te Taite, te 14 o Maehe ki te Hatarei, te 16 o Maehe 2024

Kaiwhaiki marae

584 Kaiwhaiki Road, Kaiwhaiki, Whanganui

Ka whakaeke tātou hei te 5pm o te Taite, ā, ka hikina te hui a te 1:30 hei te Hatarei.

Tēnā rēhita mai i mua i te 1 o Māehe 2024

Rēhita mai ki kōnei

Tūranga Wātea

Ngā aratohu hei tuku pānui tūranga wātea

Kua tuhia ēnei āratohu kia māmā te pānui i ngā pānui tūranga wātea mā Tōiri. Tukuna mai hei pānui PDF ki a Trish me ngā kōrero katoa e pa ana ki te tūranga wātea. Ka whakapiringia tēnei pānui PDF ki te pānui tūranga wātea. Mō Toiri ka tuhi noa iho ngā kōrero mātua mō ia tūranga, pēnei i te tauira e whai ake nei.

Te ingoa o te kura: Te KKM o …………

Te tūranga: Kaiako Tau 1-3

Te momo tūranga: 1.0 FTTE

Te orange o te tūranga: he tūranga pūmau rānei, he tūranga wā poto rānei

Ngā hua motuhake mō te tūranga: 1 MU, MITA

Te rā whakakapi kia tae atu ai te tono ki tō kura: 20 o Pepuere 2023

Te ingoa o tētahi tangata whakapā mō to kura: Te Tumuaki

Tōna nama waea me tōna īmēra. 012 3124 123 tumuaki@tkkmo….

Mō ētahi atu kōrero tirohia tēnei pānui PDF

Mō ētahi atu kōrero, tēnā whakapā atu ki a Trish Bevan.

TKKM o Whangaroa

Tūranga Tūmuaki

Wā Pūmau/ Wā Kīkī

E rapu ana mātou i tētahi tangata hei ārahi i tō mātou kura, te kura kaupapa Māori o Whangaroa. Me mōhio ki te reo me ngā āhuatanga o Ngā Puhi, o Ngāti Kahu, ā, me pono marika koe ki Te Aho Matua. Me matatau ki te whakaako tamariki. Me mārama ki te whakahaere kura. Me aroha koe ki ngā tamariki me ō rātou mātua. Kei Matauri te kura, he rawe ngā whare me ngā rauemi o roto. He kura āronga-tahi, he wahanga wharekura kei te kura.

Hei te 5pm i te Mane te 26 o Pepuere te rā kati mō ngā tono tūranga.

Imeera mai ki a Arapine Walker mō te puka tono. Arapine@runanga.co.nz

027 771 3543.

Mō te pānui, a, panahia ki kōnei

TKKM o Puau te Moananui ā Kiwa

Tūranga Tumuaki

E kimi ana tēnei kura he manu rangatira, he manu kōkō tātākī, he manu arataki i te kāhui, heitumuaki mō tēnei kura e tū ana ki te rāwhiti o Tāmakimakaurau.

He tūranga tumuaki ka watea ai a te 28 Poutū te rangi 2024

Ka ngū te reo karanga i te 15 Poutū te rangi 2024

Imera atu ki a lynley@puau.school.nz kia riro i a koe te whānuitanga o ngā kōrero.

Mō te pānui, a, panahia ki kōnei