伍濤月訊 - 2022年9月
月訊停更3個月,但喺呢段日子裡面,伍濤發生左好多大大小小嘅事情,請容許我哋今次長氣啲,同大家一齊回顧細味吓。
6月,諾言哥哥成為咗伍濤第二屆嘅青年大使,加埋經過青年義工特訓嘅子祈姐姐,喺接受專業藝術裝備後,同同工一齊落到唔同社區服侍。三個月裡面,兩位青年人邊學邊服事,每次都見到佢哋嘅成長突破,加上合作伙伴同服事群體嘅欣賞,真係要俾多幾個Like佢哋!
6月26號,濤寶薪火相傳薈上,彪老師正式喺淑娟老師手上接棒,成為伍濤嘅新任總幹事。衷心祝福淑娟老師迎上更豐盛精彩嘅下一里路,畫出更多美麗故事。亦祝福彪老師,承傳伍濤精神,帶領團隊,繼續運用藝術服務社區,熱情興旺不減。
|