Ikastaro benean interesgarria antolatu dugu azaroaren 18tik 20ra, Niessen kulturgunean. Mariana de la Mata antzerki sortzaile argentinarra gonbidatu dugu Escribir un cuerpo ikastaroa eskaini dezan. Asko miresten dugu Marianak egiten duen lana eta oso emozionatuta gaude azkenean elkarrekin ikastaroa antolatu ahal izan dugulako.
Disziplina arteko sormen laborategia izango da ikastaroa. Idazketa eta eszena lanaren arteko gurutzaketan kokatuko da begirada. Laborategi honetan espazio eszenikoa orri txuri bat izango da, idazketa keinu eta dramaturgia, berriz, mugimendu. Ikastaroaren azalpen DOSSIERRA irakur dezakezue, zehaztasun guztientzat.
Izena eman nahi baduzu IZEN EMATE FITXA hau bete mesedez edo miren@dejabu.eus-era idatzi.
