View this email in your browser

8 Nōema 2022

Tēnā koe <<First Name>>

Whaikorōria ki a Ihoa o ngā mano, te tīmatanga o te whakaaro nui. Korōria ki te Matua i runga rawa. He maungārongo ki runga i te mata o te whenua, he whakaaro pai ki ngā tāngata katoa.

Kei ngā mana, kei ngā reo, kei ngā kura, kei ngā iwi, tātou e whakapono nui nei ki te pitomata o ā tātou uri katoa puta noa i te motu, tēnā rā tātou katoa.

TE HUI Ā TAU A NGĀ KURA Ā IWI

Nau mai haere mai ki te Hui ā Tau (AGM) a Ngā Kura ā Iwi kia pai ai te kōrero i ngā kaupapa nui o te tau nei me ngā kaupapa nui ka tū hei te tau tītoki. Ka tū te hui nei ki Distinction Rotorua hei te 25 o Nōema 2022. Mā tō kura e whakamōhio mai ki te Pou Hāpai a Anaterira, mehemea he tāngata anō atu i te Tumuaki e haere mai ana ki te hui. Ko tōna tikanga, ka tae mai tētahi, maha ake rānei i Ngā Kura ā Iwi katoa ki te Hui ā Tau. Nau mai haere mai e hoa mā.

Anei rā te wātaka:

• 8:30am - Ka tīmata te Hui ā Tau / Karakia

• Apologies

• Previous Minutes from Te Maru AGM 26 November 2021

• Rīpoata ā Tau 2022 - Watson Ohia

• 2021 Financial Audit Report

• Election of Officers - Nominations

• Confirmation of 2023 Membership Fees

• 2023 Annual Plan Summary - Watson Ohia

• 10:30am - Ka mutu te Hui ā Tau / Karakia

• 11:00am - Whakatau i ngā Kura hou ki tā tātou kaupapa

• 11:30am - Kōrero from each of the four new kura

• 12:45pm - Formal signing of membership documents

• Ka mutu / Karakia

• 1:00pm - Kai Hākari

• 1:30pm - Ka hoki ki te kāinga.

TE WHAKATAU I NGĀ KURA HOU KI TE KAUPAPA O NGĀ KURA Ā IWI

Kātahi ka mutu te Hui ā Tau, hei te 11am tahuri ai tātou ki te whakatau i ngā kura hou rātou ko ō rātou whānau, ō rātou iwi ki tā tātou kaupapa. E whā ngā kura hou ka uru mai, ko:

• Te Kura Taumata o Panguru ki Te Hokianga

• Te Kura o Manutuke ki Tūranganui ā Kiwa

• Te Kura ā Iwi o Ngāti Kauwhata ki Manawatū

• Te Pā o Rākaihautu ki Otautahi.

Nau mai haere mai e ngā Kura ā Iwi o te motu ki te whakatau i ēnei kura, ēnei whānau, i ēnei iwi ki tā tātou kaupapa whakahirahira. Ka mutu te whakatau me ngā kōrero whakamārama, ka hākari tahi tātou.

NGĀ POU HŌU

NKAI MARAMATAKA 2023

Kua iria te maramataka a Ngā Kura ā Iwi mō te toenga o te tau, 2023 hoki ki te pātene ki raro nei hei kōnae tikiake (downloadable file). Kua iria hoki ki te pae tukutuku a NKAI. Tikiake hei rauemi tirohanga ki ngā kaupapa whānui a Ngā Kura ā Iwi.

NGĀ RĀ NUI O TE TAU HEKE

Kei te ripanga o raro he whakarāpopoto mō ngā hui ā motu. Kāore e kore he wānanga, he hui anō ka whakaritehia a te tau heoi he mea nui kia mōhio ai ngā kura i ngā rā mō ngā hui nui.

Registration Process

Please note that registrations for NKAI events will be promoted across the Te Maru Newsletter, NKAI website/Facebook/SLACK and email to Ringa Raupā (NKAI Tumuaki). Kura that register before the close off date will have their accommodation arranged and paid for by NKAI.

Late registrations will be negotiated on a case-by-case basis. If late registrations are accepted, kura will need to arrange and pay for their accommodation as well as the registration fee.

Due to increased costs, the registration fees for 2023 have been set at $150 per person. These may vary depending on the course, venue and accommodation costs.

Key Hui Dates

In addition to these hui, the Ngā Kura ā Iwi constitution requires a Ringa Raupā Hui to be held twice a year. These hui are held the day following the Oranga Tumuaki, Oranga Kura wānanga:

• 16 June 2023 - Special General Meeting, Rotorua

• 24 November 2023 - Annual General Meeting, Rotorua

WĀNANGA NCEA

TE REO MATATINI | PĀNGARAU

Mā pango, mā whero ka oti te mahi! E kore te reo o mihi e mimiti ki ngā kaihuawaere, ki ngā kaiako hoki i tae ki te wānanga i tērā wiki. Kua wetewete mātou i ngā paerewa Reo Matatini, Pāngarau hoki. Kua ako mātou mō o rāua here kia tika a mātou whakahaere ki ngā kura. Kua whai wā hoki mātou ki te tiro ki ngā mātāpono aromatawai me ētehi anga whakatupu mātauranga kia tika te whakarite i ā tātou uri mō te aromatawai.

Heoi rā ko te akoranga nui, mā te whakamana i ngā marau ā-kura me ngā kaupapa e ngākaunui ana ki a tātou uri e tōtika te tukanga whakaako me te tukanga aromatawai.

Koia nei te kaupapa hei whakapakari i te reo o ngā kaimahi Kura ā Iwi puta noa i te motu.

TupuOra - Taumata 1 - 4: Waimarie ana tātou i a TupuOra (Kingi rātou ko Jared, ko Te Waipounamu mā), kei te whakahaere i te kaupapa whakapakari reo mō te hunga kua tīmata ki te ako, ā, kua tīmata rānei ki te kōrero i te reo, engari kaore anō kia pakari te rere o te reo.

Takatū - Taumata 5 - 7: E mihi ana ki a Takatū (Pānia rāua ko Leon), kei te whakahaere i te kaupapa whakapakari reo e aro atu ana ki te hunga e mōhio ana ki te reo e eke ai te kounga ki taumata kē atu.

Kāore e tū ngā akoranga a te wā o te kura. E tū kē ana hei ngā pō, me ngā wā hararei. Heoi, ki te tutuki te kaimahi i ngā whāinga o te kaupapa nei ko te whakatau a te Kōmiti Whāiti o Ngā Kura ā Iwi, ka tuku i te pūtea $500 ki ngā kaimahi a Ngā Kura ā-Iwi. E pēnei ana te whakatau i te mea kāore ngā kura i mate ki te whakarite kairīwhi kia wātea ai ngā kaiako ki te haere ki ēnei kaupapa reo Māori i te wā kura.

Ahakoa ko ngā kaimahi i roto i ō tātou kura te aronga matua, e tuwhera ana te kaupapa Te Reo kia Rere ki ngā poari, ngā whānau hoki o ō tātou kura, ētehi tūranga ki te kaupapa whakapakari reo nei (TupuOra, Te Reo kia Rere). Heoi, ki te tutuki i ēnei tāngata (mema poari, mātua te aha atu rānei) ngā mahi e tika ana, ko te $500 ka haere ki te kura o tērā mema poari, whānau rānei.

Nō reira e hoa mā, me rēhita kia whai wāhi ai koutou ki ēnei mātanga, nā rātou tētahi kaupapa whakapakari reo motuhake i whakarite mō ō tātou kura kei raro i te tāwharautanga o Ngā Kura ā Iwi o Aotearoa.

Tuia ki runga

Tuia ki raro

Tuia te here Tumuaki

Kia ita, kia mau, kia tīna!

Kai ngā tumuaki o te kaupapa, kai ngā manu tāiko o te wao nui o Mātauranga Māori, huihuia mai ki te Wānanga Oranga Tumuaki, Oranga Kura!

Haere mai rā koutou kia noho tahi koutou e Ngāti Tumuaki mā, kia kōrerorero tahi, kia wānangananga tahi i ngā āhuatanga o te ao tumuaki! Whakapiri mai, whakatata mai rā kia hāneanea mai te noho, kia whai oranga!

E tika ana kia whai hui tumuaki motuhake koutou, kia noho ko koutou anahe ki kaupapa nui.

Kia mataara - hei te 5pm i te rangi tonu nei kati ai te puka tono. Nā reira e tai mā, hoki mai rā ki runga i Te Rotorua nui a Kahu kia rongo ai tātou i te reka o te noho tahi.

FINAL REGISTRATION CALL

Kāre e roa ka tīmata tenei tōnamana whutupōro takiwhitu mō ngā Uri Tau 9, Tau 10 te reanga, tāne mai, wahine mai!

Ka tū tēnei whakataetae hei te Tāite, 17 o Nōema ki Hautapu Sports Club, Cambridge/Waikato.

Inā he pātai wā koutou, mō te roanga atu o ngā whakamārama rānei tēnā tuku īmera ki te Kaihautū Oranga, a Eru Harawira.

Ngā mihi ki a koe nāu i pānui i tēnei o ngā kawerongo hiko.

Tēnā whai mai i NKAI ki Pukamata, ki Kapoata hoki.