伍濤月訊 - 2022年10月
忙完個暑假,終於可以抖抖。喺9月,大家藉著短短嘅「年度計劃營」,一齊回顧出隊點滴。大家仲一齊用「欣賞三部曲」去彼此肯定!真係辛苦晒大家喇~在此,特別多謝一直關心伍濤嘅你哋,感恩有你哋一路同行,一同見證伍濤小船乘秋風展開大冒險! #有你真好 「#我見到你...」「#我欣賞你...」「#我相信你可以...」 ☝🏻鼓勵大家都多啲同自己講,攬攬自己;得閒又同朋友講吓,表達愛!
W5 X 田景堂堂慶日營活動🔥
暑假嘅繪本營啱啱先結束,估唔到咁快又見返田景堂一班可愛嘅小朋友。😍
趁一班家長在禮堂參與堂慶活動,伍濤一班義工同工,又可以再同班小朋友一齊唱跳社區歌,仲教埋佢哋畫彩墨染卡,將心意送俾所愛嘅人。最後,聽到小朋友家長分享,夫婦倆可以💑有少少 me time,真係難得! #與教會同行
透過接待同行夥伴,一齊輕鬆話當年!多謝總廚方總同埋副手小麥老師嘅用心,炮製出一道道佳餚😍!
另外多謝彩虹老師畫左三幅畫,充滿心思,呈現伍濤廠區三元老嘅光彩。 💕特別鳴謝同伍濤同行多年嘅三位, 🐱 方總 🐶 小麥老師 🐻 小威老師
Bank Name: The Hongkong and Shanghai Banking Corporation Limited Address of HSBC Office: 1 Queen's Road Central, Hong Kong. SWIFT code: HSBCHKHHHKH Account Name: Wave5 Foundation Ltd. Account Number: 015-662513-838