Haustfundur Tækniþróunarsjóðs

Haustfundur Tækniþróunarsjóðs verður haldinn mánudaginn 12. desember, kl. 15:00-16:00 í fyrirlestrarsalnum í Grósku auk þess sem fundurinn verður í beinu streymi. 

Áslaug Arna Sigurbjörnsdóttir, háskóla-, iðnaðar- og nýsköpunarráðherra opnar fundinn.

Meðal þess sem verður til umfjöllunar á fundinum er væntanlegt áhrifamat Tækniþróunarsjóðs auk þess sem haustúthlutun úr sjóðnum verður kynnt.

Ítarlegri dagskrá mun birtast á vef Rannís.

Spjall og léttar veitingar að loknum fundi.

Fögnum haustúthlutun og styrkþegum.

Öll velkomin.
 

Til að auðvelda áætlun á veitingum biðjum við þátttakendur um að skrá sig á fundinn.