E te iwi e maranga!
Ara ake a Rehua ki te kōmata o te rangi
Koiā tonu te ono o Hiringa Ketuketu
Hine Raumati kei runga, Hine Ueroa kei raro
Makuru iho ngā rākau whai hua
Whātoro te kai ki te whenua
Tuputupu mātaitai ki te moana
He tohu houkura, he tohu taurikura
Hōrapa kau ki te papa maraeroa
Hei oranga whenua, hei oranga ngākau, hei oranga tangata
Nō reira e te iwi e!
Puāwai pōhutukawa ki a tātou katoa.
Nā te kāhui ringa manaaki o Te Kotahitanga o Te Atiawa, tīhei mouri ora.
|