NEWSLETTER

Isabelle Schlesser
De Chômagetaux ass esou niddereg wéi scho laang net méi. Mee bleift dat och am neie Joer esou? Mir hunn d'Directrice vun der ADEM gefrot, wat si sech fir déi nächst Méint erwaart.

Michel Reckinger
Wat erwaarden d'Betriber sech am Waljoer 2023 vun der Politik? De Patronatsverband UEL schwätzt sech dofir aus, d'Steiere fir d'Betriber ze reduzéieren. Den UEL-President Michel Reckinger sot op eiser Antenn, dat wier eng Mesure, mat där ee Lëtzebuerg méi attraktiv fir auslännesch Entreprisë kéint maachen.

Marc Crochet
Den Direkter vun der Caritas fuerdert, datt seng ONG méi Responsabilitéit bei der Organisatioun vu Flüchtlingsheemer kann iwwerhuelen. D'ONGe géife sech am Moment just ëm de sozialen Encadrement vun de Flüchtlinge këmmeren, awer net ëm den technesche Fonctionnement vun de Gebaier, esou de Marc Crochet.

Steve Weyland
Trotz de méi héijen Zënse loosse weiderhi vill Leit hir Haiser energetesch sanéieren, seet de Steve Weyland vum Ordre des Architectes. D'Liwwerzäite fir dat néidegt Material wieren allerdéngs héich.

Ute Heinz
No de Feierdeeg am Dezember drénke verschidde Leit am Januar iwwerhaapt keen Alkohol. Bréngt dat eppes? Mir hunn d’Psycologin a Vize-Presidentin vum Suchtverband gefrot.

Educatioun
"Zäit, datt mir dat doten an de Grëff kréien"
D'Schoulen huelen all Joers eng 2.000 Schüler:innen op, déi aus dem Ausland op Lëtzebuerg plënneren. D'Orientatioun an de Suivi vun dëse Kanner soll elo reforméiert ginn. D'Pia Oppel huet mam Pierre Reding, dem Chef vun der Generaldirektioun fir d'Integratioun am Educatiounsministère doriwwer geschwat, wat am Gesetzesprojet steet.

Den Islam um Préifstand vum Fanatismus
A senger Konferenz "L'islam au défi du fanatisme“ huet den Theolog Père Adrien Candiard d’Relatioun tëschent dem Islam an dem Fanatismus analyséiert.
Trotz der Omnipresenz vum Islam an den Noriichte musse mir zouginn, datt mir net vill doriwwer wësse resp. dovunner verstinn. Ass et eng gewalttäteg a fanatesch Entreprise oder e friddlechen an tolerante Projet? Den Dominikaner Pater Adrien Candiard, ënner anerem diploméiert an der Islamologie, werft Liicht op déi komplex Situatioun.
Eng Konferenz vum 18. Mäerz 2022, organiséiert vum europäesche Kulturzentrum IPW, dem Institut Pierre Werner, Coorganisateur war d'LSRS (Luxembourg School of Religion & Society, Centre Jean XXIII).
Montage: Carlo Link

De Rock'n'Roll-Kolléisch um 100,7: De Fred Medernach spillt grouss Klassiker a bloost de Stëbs vu vergiessene Pärelen. Hie sicht de Lien tëschent aktuellen Tendenzen a Subkulture vun deemools. Dir däerft Notten huelen oder Är Hoer rëselen.

Fir den éischte Rendez-vous am neie Joer stoungen nëmme Live-Tracks op der Affiche - et geet fir relax a gemittlech Stécker direkt e puer Mol an de Concert.