NEWSLETTER

Paulette Lenert
Déi designéiert LSAP-Spëtzekandidatin wëllt sech nach net festleeën, ob hir Partei am Walkampf fir eng allgemeng Reduktioun vun der Aarbechtszäit wäert antrieden. "Waart op eise Walprogramm", esou Paulette Lenert op d'Fro, ob si sech fir eng Reduktioun vun der legaler Aarbechtszäit wëllt asetzen.

Fred Keup
Den ADR-President seet, seng Partei kéint sech duerchaus virstelle sech un enger Regierung ze bedeelegen. "Vläicht esouguer dëst Joer schonn", esou de Fred Keup am 100,7-Interview.

Claude Thill
Den Dikrecher Buergermeeschter ass weider optimistesch, datt seng Gemeng an den nächste Jore mat den Nopeschgemenge Bettenduerf, Ierpeldeng, Ettelbréck a Schieren wäert fusionéieren.

Jean-Paul Scheuren
De President vun der Chambre Immobilière geet dovun aus, datt 300 bis 400 Immobilienagenten an den nächste Méint kéinten op Chômage partiel ugewise sinn. Dat wieren eng 30 bis 40 Prozent vun de Salariéen aus deem Secteur.

Philippe Mersch
Liwwerschwieregkeeten an héich Präisser hunn en Impakt op den Autofestival, seet de President vun der Garagiste-Federatioun FEDAMO. Déi éischt Woch vum Festival hätt zwar Clienten ugezunn, awer keng "Onmass u Leit".

A 36 Woche gi mir wielen. Wat ass bis dohin nach vu blo-rout-gréng ze erwaarden? Gëtt nach konstruktiv zesummegeschafft oder gëtt sech profiléiert? Kënnt nach eppes oder gëtt virun allem gekaazt? Et diskutéieren d’Fraktiounscheffe vun den 3 Majoritéitsparteien: Gilles Baum (DP), Yves Cruchten (LSAP) a Josée Lorsché (déi gréng). Moderatioun: Maurice Molitor

De Service des droits de l'enfant, den Ombudsmann fir Kanner a Jugendlecher, den Office National de l'enfance an den Zentrum fir politesch Bildung sinn nëmmen e puer vun de sëllege Plazen, déi sech fir d'Verbreedung, d'Anhalen an d'Iwwerwaache vun de Rechter vun de Kanner a Jugendleche bis 18 Joer asetzen.

Mat hinnen zesumme bitt de SCRIPT mam radio 100,7 de Webinar un: Kannerrechter: Participatioun, Protektioun a Provisioun. Fir jiddwereen, dee sech fir déi Erwuesse vu muer interesséiert.
Moderatioun: Natasha Ehrmann

Wéi och déi Jore virdrun ass de radio 100,7 Partner beim Projet “Media & Me - Backstage bei Medienberufen”. Bei dësem Projet kréie Jonker aus Lëtzebuerg, Däitschland, Frankräich an der Belsch d'Méiglechkeet d'Medielandschaft an der Groussregioun kennenzeléieren, fir en Abléck an eng spéider Beruffsorientatioun ze kréien. Eng onofhängeg Jury sicht sech bis zu 15 Kandidaten eraus, déi vun Abrëll bis Oktober an engem ëmfaassende Programm hanner d'Kulisse vun de verschiddene Medienhaiser luusse kënnen, fir eng Virstellung ze kréien, wat et heescht an engem Medieberuff ze schaffen.

Eurosonic 2023: dës Acts bleiwen an Erënnerung …
Méi wéi 300 Museker:innen a Bands - dat ass nawell eng fett Affiche. Do kann oder wëllt een natierlech net alles kucke goen. Tëschent dem 18. an 21. Januar sinn zu Groningen Dausende vu Booker, Manager, Journalisten a soss Fans duerch 21 Concertssäll gebummelt. Hei e klengen Iwwerbléck vun deenen Acts, déi eise Museksnerd Jamie Reinert am meeschte begeeschtert hunn.

An eiser Rubrik “Dagdeeglech” kritt Dir all Dag nëtzlech Tuyauen a kreativ Iddien, wéi ee säin Alldag méi einfach an onkomplizéiert kann iwwer d’Bün kréien.
Donneschdes um 10:30 Auer zum Beispill gëtt d’Angie Maquil zesumme mam GERO - Kompetenzzenter fir den Alter Tipps a Rotschléi, déi am Alter hëllefe kënnen.