|
|
TAKIM JOFORMAL - PARTNERËT BËHEN BASHKË!
Gjatë javës globale të sipërmarrjes, Partnerët Shqipëri për Ndryshim dhe Zhvillim organizoi një “Takim Joformal” për të festuar punën dhe partneritetet e saj në mbështetje të Sipërmarrjes Sociale dhe Filantropisë!
Antarë të Dua Partner Invest, sipërmarrës socialë, institucione financiare - mbështetës të programeve të Partnerëve Shqipëri ndër vite dhe organizata të shoqërisë civile u bashkuan për të festuar sukseset e arritura së bashku, për të shkëmbyer praktika dhe për të diskutuar për bashkëpunime të mëtejshme për nisjen e nismave të reja entuziaste.
Sinergji rajonale u krijuan me të ftuarit nga Balkan Green Ideas!
|
|
|
|
KONKURSI I BIZNESEVE TË GJELBËRTA 2022: VIZITA STUDIMORE E MENTORËVE DHE SIPËRMARRËSVE
|
|
|
|
WORK4YOUTH: EVENTI PREZANTUES I IDEVE SIPËRMARRËSE
Eventi i dytë prezantues i ideve sipërmarrëse, në kuadër të projektit “Work4Youth” u mbajt në nëntor në Shkodër, ku sipërmarrësit e rinj nga zona ndërkufitare Shqipëri-Mali i Zi prezantuan idetë e tyre të biznesit. Përgjatë një rrugëtimi gjashtë mujor, të rinjtë me mbështetjen e mentorëve dhe ekspertëve të sipërmarrjes patën mundësinë të transformojnë idetë e tyre sipërmarrëse dhe të përgatisin plane biznesi, të gatshme për të përfituar mbështetje financiare nga skemat ekzistuese të financimit lokale dhe kombëtare, si dhe nga investime private në të dy vendet.
Aktiviteti u përshëndet edhe nga znj. Edona Bilali, Ministre e Shtetit për Mbrojtjen e Sipërmarrjes, e cila gjatë tij prezantoi programe dhe iniciativa të ndryshme qeveritare në mbështetje të sipërmarrjes dhe punësimit të të rinjve, duke ftuar sipërmarrësit e rinj të aplikojnë në këto mekanizma mbështetës. Gjithashtu, përfaqësues të pushtetit vendor nga zona ndërkufitare, diskutuan për mundësi të tjera që u ofrohen sipërmarrësve të rinj në nivel vendor dhe ofruan rekomandimet e tyre.
Mësoni më shumë
|
|
|
|
WORK4YOUTH: KONFERENCA PËRMBYLLËSE
Projekti “Work4Youth” mblodhi së bashku në Konferencën Përmbyllëse në 13 Dhjetor në Shkodër, aktorët kryesorë të ekosistemit të sipërmarrjes, për të ndarë dhe diskutuar sukseset, sfidat dhe rekomandimet për të adresuar më mirë nevojat dhe prioritetet e sipërmarrësve të rinj në zonën ndërkufitare Shqipëri – Mali i Zi. Konferenca ishte finalizimi i dy viteve punë intensive me sipërmarrës të rinj nga rajoni i Shkodrës në Shqipëri dhe komunat e Tuzit, Barit dhe Podgoricës në Mal të Zi, dhe përpjekjeve për të siguruar mbështetje për idetë e tyre të biznesit dhe Start-Up-ve nga aktorë të ndryshëm.
Tematika e konferencës ishte e fokusuar në hapat e ardhshëm në të cilat aktorët mund të bashkëpunojnë për të rritur punësimin dhe vetëpunësimin e të rinjve në rajonin ndërkufitar Shqipëri – Mali i Zi.
Lexoni më shumë
|
|
|
|
MBËSHTET SIPËRMARRJEN RINORE NË ZONËN NDËRKUFITARE SHQIPËRI - MALI I ZI!
|
|
|
|
TRAJNIMI I DYTË MBI EKONOMINË SOCIALE
Në kuadër të projektit “Western Balkans Youth Social Economy Alliance” (WB SEA)”, u mbajt trajnimi në lidhje me Ekonominë Sociale, në Podgoricë, në datat 21-26 Tetor. Synimi ishte pajisja e të rinjve lehtësues të Ekonomisë Sociale (ES) me njohuritë dhe aftësitë e nevojshme për të punuar në nivel vendor me të rinjtë e komunitetit, për ta konsideruar ES-në si një prej mjeteve që ata kanë në dispozicion për të iniciuar ndryshimin në këtë komunitet, si dhe për të arritur integrimin social dhe ekonomik të tij.
Ky aktivitet u pasua nga organizimi i Shkollave të Ekonomisë Sociale në secilin prej vendeve të Ballkanit Perëndimor.
|
|
|
|
SHKOLLAT E EKONOMISË SOCIALE
Shkollat e Ekonomisë Sociale konsistojnë në trajnime 3-ditore, pjesë e programit WB SEA LAB, ku sipërmarrësit e rinj socialë, punonjësit e organizatave rinore dhe të rinjtë e të rejat e tjerë të interesuar, mësuan mbi konceptin e Ekonomisë Sociale dhe nëpërmjet qasjes teorike dhe praktike, u pajisën me njohuri për të zhvilluar një ide inovatore, duke përdorur ekonominë sociale si një zgjidhje ndaj sfidave të ndryshme në komunitet, por duke e parë edhe si një mundësi punësimi.
Aktivitetet u zbatuan nga partnerët e projektit WB SEA në secilin prej vendeve të Ballkanit Perëndimor.
Lexoni më shumë në lidhje me aktivitetin
|
|
|
|
KONFERENCA FINALE E WB SEA “POTENCIALI I EKONOMISË SOCIALE NË RAJONIN E BALLKANIT PERËNDIMOR”
Datat 12-14 dhjetor 2022 shënuan realizimin e Konferencës përfundimtare të projektit WB SEA “Potenciali i Ekonomisë Sociale në Rajonin e Ballkanit Perëndimor”, në Podgoricë. Konferenca mblodhi së bashku aktorët më të rëndësishëm të rajonit të Ballkanit Perëndimor dhe Evropës në fushën e Ekonomisë Sociale, si: përfaqësues të institucioneve shtetërore, organizatave rinore, sipërmarrës socialë dhe përfaqësues të sektorit të punësimit të të rinjve, për të kontribuar në identifikimin e një qasjeje të re për zhvillimin e ekonomisë sociale, duke shërbyer si një mundësi për të prezantuar dhe analizuar praktikat në nivel evropian.
Diskutime konstruktive u zhvilluan nga pjesëmarrësit në secilin panel, përkatësisht: “Zhvillimi i impaktit të Ekonomisë Sociale në nivel kombëtar”; "Përfshirja e ekonomisë sociale në politikat rinore"; “Praktikat e sipërmarrjeve sociale në rajonin e Ballkanit Perëndimor"; dhe "Nxitja e ekonomisë sociale për të krijuar vende të reja pune".
Lexoni më shumë për zhvillimet e konferencës
|
|
|
|
SEMINAR “SI TË NXISIM SIPËRMARRJEN SOCIALE MIDIS TË RINJVE ME DHE PA AFTËSI TË KUFIZUARA”
|
|
|
|
PRODUKTET E PROJEKTIT WISEs4YOUTH
Në kuadër të projektit WISEs4Youth in Western Balkans (WISEs4Youth), partnerët e projektit përgatitën produktet e para, të cilat janë dy module trajnimi drejtuar sipërmarrësve të rinj (potencial) të ardhshëm në Ballkanin Perëndimor:
- Kurrikula për (trajnimin e partnerëve) mbi Sipërmarrjet Sociale (SE) dhe Sipërmarrjet Sociale me në fokus Integrim në Punë (WISE – Work Integration Social Enterprise)
- Kurrikula për menaxhimin dhe matjen e impaktit social
dhe raportin mbi “Zhvillimin e Moduleve të Trajnimit.
Kurrikulat do të përdoren gjatë sesioneve trajnuese që do të mbahen në vendet partnere (Shqipëri, Serbi, Maqedoni e Veriut, Kroaci, Slloveni) për të rinjtë që synojnë dhe aspirojnë të bëhen sipërmarrës socialë!
Lexoni më shumë mbi projektin dhe dokumentet e përgatitura
|
|
|
|
“WISEs SI MJET PËR ZHVILLIMIN E SIPËRMARRJES RINORE LOKALE”
Dua Partner Invest u promovua gjatë seminarit online “WISEs si mjet për zhvillimin e sipërmarrjes rinore lokale”, i organizuar në 12 tetor nga Rrjeti Evropian i Sipërmarrjeve të Integrimit Social (ENSIE) dhe partnerët e tij në kuadër të Javës së Rajoneve Evropiane (European Regions Week).
Workshop-i u organizua në tre shtylla kryesore: prezantimi i ndikimit që WISE-t kanë në tregun lokal të punës; rëndësia e zhvillimit të WISE-ve në Ballkanin Perëndimor; si dhe inkurajimi dhe përfshirja e të rinjve në sipërmarrjet sociale në rajon.
Seminari u bashkëorganizua nga ENSIE dhe SENT, me kontributin e partnerëve të projektit WISEs4Youth.
Lexoni më shumë mbi aktivitetin
|
|
|
|
ÇMIMI MENAXHERI WISE - ENSIE 2022
"Rrjeti Evropian i Sipërmarrjeve të Integrimit Social" (ENSIE) organizoi ceremoninë e ndarjes së çmimeve të menaxherit WISE, e cila vlerësoi Sipërmarrjet Sociale me në Fokus Integrimin në Punë (WISEs) që punojnë në fushën e integrimit të të rinjve. Anëtarët e Dua Partner invest dhe sipërmarrje të tjera sociale të mbështetura nga Partnerët Shqipëri u inkurajuan të aplikojnë për çmimin dhe të përfitojnë nga kjo mundësi për të promovuar sipërmarrjet e tyre në nivel evropian. Në përfundim të procesit të aplikimit, tre finalistët morën pjesë në Asamblenë e Përgjithshme Ekstra të ENSIE në Bruksel dhe fituesi do të ftohet në një vizitë studimore në WISE në vitin 2023.
Lexoni më shumë rreth çmimit
|
|
|
|
UDHËRRËFYESI PËR INFRASTRUKTURËN E KËRKIMIT DHE INOVACIONIT NË BALLKANIN PËRËNDIMOR
|
|
|
STATUSI I NDËRMARRJES SOCIALE – PIKËPYETJET DHE MUNDËSITË PËR NDRYSHIM
Partnerët Shqipëri ka publikuar në nëntor dokumentin e politikave “Statusi i Ndërmarrjes Sociale – Pikëpyetjet dhe mundësitë për ndryshim”. Ky dokument politikash, nëpërmjet analizës së procesit të aplikimit për statusin e Ndërmarrjes Sociale (NS) dhe të aplikimit për mbështetje financiare nga Fondi i Ndërmarrjeve Sociale (FNS) përmbledh dhe prezanton tek institucionet shtetërore përgjegjëse, ndërmarrjet sociale, OJF-të që dëshirojnë të marrin statusin e NS, donatorët që mbështesin zhvillimin e sipërmarrjeve sociale në Shqipëri dhe aktorë të tjerë të interesuar, çështjet kryesore që paraqesin barriera për aktivitetin e ndërmarrjeve sociale, si dhe ofron rekomandime që adresojnë sfidat e hasura dhe lehtësojnë procesin.
Lexoni dokumentin në Librarinë e platformës
|
|
|
|
NEVOJAT E TË RINJVE DHE ORGANIZATAVE RINORE NË LIDHJE ME SHËRBIMET MBËSHTETËSE PËR PUNËSIMIN E TYRE
Partnerët Shqipëri është një nga organizatat partnere në projektin EYSET – Fuqizimi i Organizatave Rinore nëpërmjet Sipërmarrjes Sociale në Turizëm(2022-2024). Qëllimi i projektit është fuqizimi i organizatave rinore dhe profesionistëve që punojnë me të rinjtë, për të kontribuar në përfshirjen sociale, integrimin e shpejtë në tregun e punës dhe nxitjen e frymës së sipërmarrjes sociale midis të rinjve me dhe pa aftësi të kufizuara në zinxhirin e vlerës së turizmit.
Ky raport ofron një pasqyrë dhe një analizë të nevojave, mangësive, sfidave dhe sugjerimeve të të rinjve dhe organizatave rinore në lidhje me shërbimet mbështetëse për punësimin e tyre.
Shfletoni raportin
|
|
|
ZHVILLIMI I MODULEVE TË TRAJNIMIT
Partnerët Shqipëri së bashku me organizatat partnere nga rajoni dhe Evropa po zbatojnë projektin WISEs4Youth për të Rinjtë në Ballkanin Perëndimor (WISEs4Youth), i cili synon zhvillimin e aftësive sipërmarrëse të sipërmarrësve të rinj (të mundshëm) social në Ballkanin Perëndimor.
Në kuadër të këtij projekti është publikuar raporti mbi “Zhvillimin e Moduleve të Trajnimit”. Qëllimi i këtij raporti është të shpjegojë arsyetimin që qëndron pas procesit të zhvillimit të dy moduleve të trajnimit.
Raporti është i disponueshëm në secilën gjuhë përkatëse të partnerëve të projektit.
Shfletoni raportin
|
|
|
|
LAJME
Dua Partner Invest si një platformë ku anëtarët gjejnë informacione të vlefshme dhe mundësi të rëndësishme, i ka ofruar komunitetit të saj të Ballkanit Perëndimor mundësi ekspozimi për pjesëmarrje dhe aplikim në skema financimi dhe programe përshpejtimi, me qëllim mbështetjen e startup-eve dhe gjithë ekosistemit sipërmarrës në përgjithësi.
Lexoni më shumë nga lajmet tona
|
|
|
|
Disa aktivitete që pritet të ndodhin muajt e ardhshëm. Për më shumë na ndiqni!
- “SOLARPOWER SUMMIT 2023: Get Ready for Solar” në 8-9 Mars 2023,
- Solar Startup Award” – në 9 Mars 2023 in në Bruksel, Belgjikë në Samitin “SOLARPOWER”
- “1ST Circular Economy International Expo - Forward Green” – nga 31 Marsi deri në 4 Prill, në Selanik, Greqi
- “ALBANIAN DREAMIN' 2023” International Conference – në 23 prill në Tiranë, Shqipëri
- Thirrje për Projekt Propozime: Projekti TWIST – Drejt një Modeli të ri të Sipërmarrjes Sociale në Asetet e Konfiskuara në Shqipëri” -Thirrja do të qëndroj e hapur nga 10 janari deri në 24 shkurt
- Lançimi i Konkursit të Bizneseve të Gjelbërta 2023 në Shqipëri
- Trajnim për të rinjtë mbi Sipërmarrjen Sociale, WISEs dhe Menaxhimin dhe Matjen e Impaktit Social, Projekti WISEs4Youth, Mars 2023, në Shqipëri.
|
|
|
|
|
