يحكى التقليد اليهودي أن موسى النبي وهو ذاهب يصلى مَرّ على رجل غنى فقال له مش عايز تطلب حاجة من ربنا؟
قاله عايز طبعآ، قول لربنا كفاية الخير اللى انت عمال تبعته، أنا خايف إن الخير ده يبعدنى عنك، انت غرقتنى يارب خير كتير
فرد موسى النبى وقاله حاضر هقول لربنا
وبعد شوية مَرّ على واحد فقير قاله مش عايز تطلب حاجة من ربنا ؟
فقاله عايز طبعآ، قول لربنا كفاية الفقر اللى انت معيشنى فيه. معنديش غير معزة وخيمة مقطعة ومش عارف أعيش لا أنا ولا أسرتى وفى ناس عايشة فى خير كتير
طلع موسى النبى وصلى وهو راجع عدى على الفقير الأول فسأله الفقير
قولت لربنا ؟ فقاله آيوة قولت له وبيقولك : هو نفسه يعطيك كل شيء لكن فى مشكلة
قاله إيه هى؟ قاله سر الفقر اللى إنت فيه إنك مش بتشكر كفاية وتذمرك على حالك، اشكر وهتشوف الخير اللى هيجيلك
وبعدين مشى فمَرّ على الغنى فسأله الغنى : قولت لربنا؟
فقاله أيوة قولت له وبيقولك هو عنده إستعداد إنه يمنع عنك الخيرات والعطايا بس إنت بطل تشكره، بطّل تشكر وهو هيبطل يعطيك، فقاله إزاى أبطل أشكره وهو بيغرقنى بخير كتير فرد موسى النبى إنت متقدرش تبطل تشكر وهو ميقدرش يبطل يعطيك
أحبائى لاتغلقوا أبواب السماء بالتذمر وعدم الرضا وعدم الشكر
جرب تشكر فى كل الأحوال وهتشوف خير ربنا
أبونا تادرس يعقوب
|
