NEWSLETTER

Alex Donnersbach
Den CSJ-Nationalcomité steet unanime hanner dem Luc Frieden als nationalen CSV-Spëtzekandidat bei de Chamberwalen, seet den CSJ (Chrëschtlech-Sozial Jugend)- President.

Jean-Claude Hollerich
Datt d'kathoulesch Kierch hiren Ëmgang mat homosexuellen a gescheete Leit oder och d'Roll vun der Fra an hire Reie muss iwwerdenken, ass fir de Kardinol Jean-Claude Hollerich evident. Mee souguer wa se dat mécht, géif dat net all Problemer léisen.

Luc Frieden
Froen un den designéierte Spëtzekandidat vun der CSV fir d'Chamberwalen 2023. Um Mikro vum Maurice Molitor sot hien, seng Ambitioun wier et, datt d'CSV stäerkst Partei bleift an nees an d'Regierung kënnt.

Dr. Paul Wirtgen
An der neier Klinik Schlasskéier, déi bis 2026 zu Wolz gebaut gi soll, wäerte just nach ambulant Operatioune gemaach ginn. Dat géif an enger komplementarer Approche mam Nordspidol zu Ettelbréck Sënn maachen, sot de Generaldirekter vum CHdN.

Armand Wildanger
Deen neie President vun der Gewerkschaft NGL-SNEP hofft op e Rapprochement mam Bankesyndikat ALEBA. Zil wier et, zesumme mat der ALEBA eng national Representativitéit ze kréien.

Den zweete Februar bréngen d’Kanner Iech traditionell Freed a Liicht. Mee fir de Rescht dominéiert dëse Mount d’Däischtert. Dowéinst spillt d’Nuecht an der Erzielkonscht, an der Mythologie, och an der Musek eng wichteg Roll. Ënner dem Motto “Schéin hënt” invitéiere mir Iech dëse Sonndeg op eng RadiOdyssee op déi hell AN op déi däischter Säit vum Mound.

Dir sidd Blogger:in, Vlogger:in oder Podcaster:in?
"Aide aux nouvelles formes de médiation culturelle - blogs, vlogs et podcasts" heescht en neien Appel à projets vum Kulturministère. Dëse riicht sech u Leit, déi sech online mat der aktueller Kulturzeen zu Lëtzebuerg befaassen. D'Valerija Berdi huet bei der Josée Hansen aus dem Departement vun der artistescher Kreatioun a Promotioun vum Kulturministère no Detailer vun dëser finanzieller Ënnerstëtzung gefrot.

"De la musique pour faire plaisir"
Den 19. Februar ass Fuessonndeg, mee den Orchestre de Chambre du Luxembourg ass scho 14 Deeg virdrun an der richteger Stëmmung a proposéiert dëse Weekend e Programm ënner dem Motto "De la musique pour faire plaisir" mat Wierker vu Mozart, Francaix an Haydn. Solist ass den Daniel Ottensamer, Solo-Klarinettist vun de Wiener Philharmoniker. D'Corinna Niemeyer, Chefdirigentin vum Orchestre de Chambre du Luxembourg mat Detailer zu de Concerten

D'Dier ass erëm op, wann s du dech gebessert hues
Fir d'éischt zanter engem hallwe Joer gëtt et erëm nei Musek vum Lëtzebuerger R&B Sänger. "Just Text" ass dat éischt Stéck vun engem Kierper neier Musek, deen am Moment an de Unison Studios entsteet. Mam Sergio Manique huet den Edsun en neie Produzent, deen international als Batteur a Produzent brilléiert a fréier eemol dem Edsun säin éischte Batteur war.

D'Noriichte sinn dacks gefëllt mat schlechten Nouvellen, mat all deem, wat aktuell an der Welt net esou leeft, wéi et sollt. Am Nomëtteg wëlle mir awer och de gudden Noriichte Plaz maachen. Wat leeft grad gutt an der Welt? E puer Geschichte fir d'Häerz an Entwécklungen, déi engem Courage maachen. Eng Grëtz Positivitéit am Nomëtteg!