D’Fuesvakanz ass do! A passend dozou och neie Contenu an eiser Kanneraudiothéik, der Kannerkëscht. Hei fannt dir eng Hellewull u Lauschtergeschichten op Lëtzebuergesch fir kleng a méi grouss Kanner. D’Inhalter vun dëser Audiothéik kënnen op Demande ofgeruff ginn, op eisem Internetsite 100komma7.lu oder an eiser App. Si adresséiere sech u Kanner bis 12 Joer a si praktesch no dräi Altersgruppen opgedeelt. An der Kannerkëscht kann ee wullen, sichen, erauszéien ... se kann och eng Zort Virwëlztut sinn. Hiren Inhalt soll Wësse vermëttelen, op eng spilleresch Manéier, mat Spaass an Amusement derbäi.