Kei ngā uri whakaheke a Tamarau-te-heketanga-a-Rangi, tēnā koutou
Mihi kau ana ki a koutou katoa, e ngā karangatanga whanaunga o Te Atiawa e noho haupū mai nei ki tēnā rohe, ki tēnā whaitua, ki tēnā takiwā o te motu nei.
Kua tatū mai nei te kaupeka a Te Hiringa a Tau me ōna hua, arā, a āwhā, a tupuhi, a ua marangai hoki. Nā, pākia e te hau, karawhuia e te ua, nohoia piritia e te tāngata nā runga i te nguha o Tāwhirimātea me te wana hoki o Tangaroa.
Nō reira, e te iwi e kei te whakaarotia nuitia e ngā uri o Te Atiawa nō te maunga ki a koutou i rongo kino nei i te riri o Tāwhiri-rangi, hēoti kia maia, kia manawa toka, kia haumaru mai ai i a koutou anō nā runga i te ara whanaunga, kia mataara!
|