NEWSLETTER

Hundertprozent Sibelius
Zesumme mam SR 2 KulturRadio iwwerdréit de radio 100,7 de Concert vun der Deutsche Radio Philharmonie Saarbrücken Kaiserslautern zesumme mam Geiist Sergey Khachatryan.
Mat 15 Joer gewënnt hien den éischte Präis beim Internationale Jean-Sibelius-Concours zu Helsinki an ass domat bis haut dee jéngste Gewënner. An och 23 Joer duerno spillt de Sibelius eng wichteg Roll fir de Sergey Khachatryan. Zesumme mat der Deutsche Radio Philharmonie an hirem finnesche Chefdirigent, dem Pietari Inkinen, spillt de Geiist de faméise Geieconcerto a Ré Mineur vum Sibelius.

D’Invitéen dës Woch waren:
Yuriko Backes - Finanzministesch
Sven Clement - Deputéierte vun der Piratepartei
Marion Zovilé-Braquet - Buergermeeschtesch vun der Gemeng Contern

Philippe Turk - President vun der Spidolsfederatioun
Paul Hammelmann - President vun der Sécurité Routière

Déi 13. Editioun vum Luxembourg City Film Festival ass amgaang a geet nach bis dëse Sonndeg. Eis Filmexperten an Expertinnen aus der Kulturredaktioun ware wärend dem Festival vun engem Projektiounssall an deem aneren ënnerwee an hu sech d’Wierker vun internationalen an nationale Filmemaacher:innen ugekuckt. Hir Andréck konnt Dir an der Emissioun Kultur um 5 héieren oder op eisem Site noliesen:

Eise laangjärege Mataarbechter, de Guy Engels, tauscht de radio 100,7 Mikro géint seng wuelverdéngte Pensioun. Zanter 18 Joer ass de Guy de Responsabele vun der klassescher Museksredaktioun vum radio 100,7. Mee, wéi seet een, wann et am Schéinsten ass, soll een ophalen. A fir de Guy Engels ass et elo esouwäit. Mir soen dem Guy villmools Merci fir dës wonnerbar Zäit a säin enorme Bäitrag fir de Radio!

Héiere kënnt Dir de Guy awer nach muer, Sonndeg, um 14:00 Auer a Musek am Gespréich mam Thierry Gavard, dem Solo-Kontrabassist vum OPL. Méi gewuer iwwer de Guy Engels gitt Dir och an der Emissioun Sot emol vu leschtem Sonndeg.Schalt also an!

“Ich will Europa erzählen können”
Op Invitatioun vum Institut Pierre Werner an dem Institut Grand-Ducal war deen éisträichesche Schrëftsteller Robert Menasse zu Lëtzebuerg. Hien huet säin neie Roman "Die Erweiterung" virgestallt. D'Valerija Berdi hat Geleeënheet mam Auteur iwwer säi Buch ze schwätzen.

Firwat net mol d’Mëttespaus verlängeren? Am Popfilter kënnt de Marc Clement all Dag mat neier Musek an e puer Geschichten. Eemol an der Woch gestalt en/eng Invité:e d’Emissioun mat. Et gëtt vill Interessantes aus dem Popberäich, méi wéi just Musek.

De Marc Clement proposéiert och all Dag, mat de Kolleegen a Kolleeginnen aus der Museksredaktioun, de Song vum Dag. An dësem neie Format gi si Iech Lidder mat op de Wee, déi si beréieren, op de Fong ginn a spannend Geschichten erzielen. Mir guidéieren Iech duerch déi relevantst Releasen.

Är Tâchen:

• Dokumentéiere vu Radiosemissiounen an engem digitalen Archiv

• Archivéiere vun internen Dokumenter

• Thematesch Recherchen an den Archiven op Demande vun der Redaktioun

• Zesummenaarbecht mam CNA an den Nationalarchiven

• Entwécklung vu Konzepter fir d'Verbesserung vun den Archiven

Dir sidd déi richteg Persoun fir dëse Posten? Da schéckt eis Är Kandidatur bis de 27. Mäerz 2023 per Email un rh@100komma7.lu.