Enn eru lausir miðar á ballið en nú fer hver að verða síðastur. Taktu þátt í stærstu fjáröflun Gróttu og vertu með á Verbúðarballinu.
FRÉTTABRÉF GRÓTTU - SEPTEMBER
VERBÚÐARBALLIÐ ER Á MORGUN 9. SEPTEMBER
Það er allt að verða vitlaust fyrir Verbúðarballið sem verður í íþróttahúsinu okkar á morgun, laugardag (9. september). Salan gengur mjög vel og það lítur út fyrir að það verði uppselt. Þetta er stærsta fjáröflun íþróttafélagsins Gróttu í ár!
Við heyrum að fólk er byrjað að skipuleggja partý víða fyrir ballið. Við viljum við biðla til ykkar að byrja partýin snemma til að fá ykkur í hús þegar dagskráin hefst.
Dagskrá kvöldsins:
Húsið opnar kl. 21:00 og DJ Maggi Helga þeytir skífum fyrir gesti.
Happy hour á barnum frá kl. 21:00 til kl. 22:00.
Verbúðarbandið ásamt Röggu Gísla, Matta Matt og fjölmennum hópi leikara úr Verbúðinni mæta á svið upp úr kl. 22:00 og halda uppi þvílíku fjöri til kl.01:00.
DJ Maggi Helga þeytir skífum frá kl. 01:00-02:00 fyrir þá sem vilja dansa til lokunar.
Stórir leikir í knattspyrnunni um helgina "Gróttutvenna á laugardaginn!"
GRÓTTA - FYLKIR, LENGJUDEILD KVENNA KL. 13:00
GRÓTTA - ÞÓR, LENGJUDEILD KARLA KL. 17:00
Gríðarlega mikilvægir leikir hjá báðum liðum!
Grótta tekur á móti Fylki í síðustu umferð Lengjudeildar kvenna kl. 13:00 á laugardaginn. Mætum snemma á völlinn - andlitsmálning, hamborgarar og geggjuð stemning. Með sigri tryggja Gróttukonur sér 2. sætið og sæti í Bestu deildinni að ári í fyrsta sinn. Stelpurnar hafa náð ótrúlegum árangri í sumar og eru ekki hættar - þær ætla sér sigur og þurfa ykkar stuðning í stúkunni!
Eftir leik Gróttu og Fylkis í Lengjudeild kvenna mætir Grótta Þórsurum í Lengjudeild karla. Ljóst er að þetta verður hörkuleikur og hvetjum við Gróttufólk til að fjölmenna á völlinn og styðja strákana til sigurs!
FJÖLMENNUM Á VIVALDIVÖLLINN OG STYÐJUM GRÓTTU TIL SIGURS! FRÁBÆR UPPHITUN FYRIR VERÐBÚÐARBALLIÐ!
Eldri borgara ganga Gróttu
Íþróttafélagið Grótta í samstarfi við Félag eldri borgara á Seltjarnarnesi býður öllum eldri borgurum upp á Gróttugöngu á hverjum föstudegi kl. 10:30.
Brottför er frá íþróttahúsi Seltjarnarness kl. 10:30 og að göngu lokinni býður Grótta upp á kaffi og Björnsbakarí upp á bakkelsi í anddyri íþróttahússins.
Vinsamlegast látist berast til eldri borgara í kringum ykkur!
Nýlegar fréttir frá deildum íþróttafélagsins Gróttu má finna á grotta.is og á samfélagsmiðlum.
